Eg er attende på Jæren. Starta tidleg torsdag morgon frå Røros; temperaturen var nede i 27 kalde grader fleire stader langsetter Femunden. Det kunne blitt eit bilete av Sølen - mektig og kvitkledd i sørenden av Femunden. Men eg endte opp med ei stemningsstund på Borestranda - frå blåtimen her utmed havet. Sola har nett gått ned og farger himmelen med eit uendeleg antal nyansar i rødt og gult. Den rolege havflata speglar himmelen. Små bølger vasker inn over sandstranda, fukter sanda slik at fargana på himmelen skin her og. Det er roleg - høyrer bølgeskvulp avløyst av bruset når ei større bølge bryt innover. Små tjeldflokkar flyg forbi og varsler vår og varmare tider. Kakling frå grågjess som trekk ut til nattekvarter på holmane utom stranda.
Så tetner natten
inn over øen,
kun havet buldrer -
Nirvanas bulder.
(Knut Hamsun)
Ingen kommentarer:
Legg inn en kommentar